Нацыянальная зборная рыхтуецца да матчу супраць Эстоніі

Нацыянальная зборная рыхтуецца да пятага матчу кваліфікацыі чэмпіянату Еўропы УЕФА 2020.

Увечары на стадыёне «А. Ле Кок Арэна» адбылася перадматчавая прэс-канферэнцыя «белакрылых». Міхаіл Мархель адказваў на пытанні журналістаў у кампаніі Максіма Скавыша. Далей гульцы і трэнерскі штаб адправіліся на перадматчавую трэніроўку, якая змясціла ў сябе стандартны набор перадгульнявых практыкаванняў.

Як паведамлялася раней у Талін прыбылі 23 футбалісты, у ліку якіх 8 патэнцыйных дэбютантаў галоўнай футбольнай каманды краіны.

Паядынак стане сёмым у гісторыі супрацьстаяння нацыянальных зборных Беларусі і Эстоніі. Каманды ўпершыню згулялі ў адборачным цыкле чэмпіянату свету ФІФА 1998 які зборная Беларусі праводзіла пад кіраўніцтвам Сяргея Бароўскага. Тады на стыку лета і восені 1996 года супернікі абмяняліся перамогамі з мінімальным лікам у хатніх матчах. З таго часу ў афіцыйных супрацьстаяннях каманды не сустракаліся, а вось у таварыскіх гульнях перавага на баку каманды з Прыбалтыкі. Эстонцы атрымалі хатнія перамогі ў спарынгах у 2000 і 2006 гадах адолеўшы з лікам 2:0 і 2:1 каманды усё таго ж Сяргея Бароўскага і Юрыя Пунтуса адпаведна. Тым не менш найбольш свежы матч з удзелам заўтрашніх супернікаў застаўся за «белакрылымі». Улетку 2013 года зборная Беларусі пад кіраўніцтвам Георгія Кандрацьева перамагла ў Таліне з лікам 2:0. З футбалістаў, выкліканых на бягучы збор, у тым матчы згулялі Аляксандр Гутар, які адгуляў у браме на нуль, і Максім Скавыш, які адзначыўся галявой перадачай.

Лёсаванне УЕФА неаднаразова зводзіла нашыя краіны і на клубным узроўні. У розыгрышы Лігі Еўропы УЕФА сезона 2010/2011 футбольны клуб «Дынама-Мінск» у рамках другога кваліфікацыйнага раўнду не пакінуў шанцаў «Калеў» з Сіламяэ, атрымаўшы дзве буйныя перамогі 5:1 і 5:0.

У перадапошнім розыгрышы Кубка Кубкаў УЕФА сезона 1997/1998 Бабруйская «Белшына» аказалася мацнейшай за Талінскі «Садама» на старце кваліфікацыі. Выязная сустрэча завяршылася ўнічыю 1:1, а ў Беларусі была дасягнута перамога з лікам 4:1.

Заўтра Станіслаў Драгун можа правесці свой 60-ы матч за галоўную футбольную каманду краіны. Іван Маеўскі і Сяргей Паліцевіч могуць выйсці на поле ў складзе «белакрылых» 30-ы раз. Максім Плотнікаў, Захар Волкаў, Кірыл Пячэнін, Мікалай Золатаў, Яўген Яблонскі, Макс Эбонг і Іван Бахар могуць дэбютаваць у складзе нацыянальнай зборнай Беларусі.

Маючы адбыцца матч Эстонія - Беларусь пройдзе заўтра на стадыёне «А. Ле Кок Арэна» і пачнецца а 19.00 па беларускім часе. Гульня будзе паказана ў прамым эфіры тэлеканала «Беларусь 5».